ما دام انا نجيب اهل المهن من ساير الأوطان

ورا ما نشتغل شغلاتهم ليه نتعايبها؟!

دعيت لسعودة شغل الوطن من سالف الأزمان

ياليت الناس مثلك كلها هذي مطالبها

ميت منك مبطي موت عض الريام

(قبل عامين) وإلى اليوم جرحي خطير

يا ابو محمد افطن وانتبه للكلام

كيف ميت منه,, واليوم جرحك كبير؟!

يارب تهديني قبل لحظة الفوت

وتغفر ذنوبي يا كريم العطايا

الله كريم ويعلم السر والصوت

عساه يهدينا لحسن النوايا

راع الهوى أدناة ما يثّر على روحه

وأدناة كلمة تحطم معنوياته

هذا ليا صار قلبه له (بمرجوحه)

وراع الهوى العاقل يقاوم معاناته

مقبل مدبر هين ما يهون

متعب مستريح يقرع أجراسها

كاسر وزن بيتك والعرب يشهدون

يوم الأوزان ما تخفى على ناسها

بعض البشر لو قصد شعره بدون احساس وشعور

وبعض البشر بس من هرجه تحس بشاعرية

وبعض البشر لو ماهو دكتور ابا أسميه دكتور

لا صار شعره يداوي علة القلب الخفيه