اثر النظر لو إن راعيه ماقال

مثل الكلام اللي يلامس إحساسك

لاصار له في ثومة القلب منزال

تزهد بنفسك قبل تزهد بناسك

وتشوف له تأثير بالحال فالحال

ولابد ماتضعف على قو باسك

من اخضرار القلب ظل الهوى مال

ونقطة خضاره نفس نقطة يباسك

القلب لو حطيت له عشرة اقفال

وردمت درب الحب بحصون ياسك

يصير له بين المفاتيح مدخال

وتقرب هواجيسك ويبعد نعاسك

وتشوف ليلك طال والليل ماطال

اللي حصل,, طول غيابه عماسك

اثر الهوى فضاح والحب قتال

لوك تماسك مايطول التماسك

عاد انت يابو قد ورموش طوال

كل الذي في القلب من تحت راسك!!