يا احاسيس قلبي يا موارد هلاكي
مابقى من سنيني غير يوم الشماته
يوم شفت الامل من شدة الحزن باكي
ماقدر لو بغى يجمع بقايا شقاته
قال يابسمة الدنيا انا لن اراكي
وادعيني وداع اللي نسى ذكرياته
كنت اعرف الهوى قدام عرفه هواكي
بس عرفي لحبك دش قلبي واماته
ضاق صدري وقلبي ماتحمل غلاكي
ضيق الكون عندي كل اربع جهاته
ماهو من رخص قدرك بالحشا ياملاكي
انت عاشقك يكتب قبل شوفك وصاته
انت دره وغالي بالثمن مشتراكي
من بغاها يقدم قبل ماله حياته
الله انه يراعي من بعطفه رعاكي
يقبل الله صيامه له ويقبل صلاته
والنهاية سؤالي جعل عمري فداكي
راعي الحجز يلحق او ترى الحجز فاته
