ياصاح وقتي لحظة ما صفا لي

عقبك حبيبي ماتهنيت لله

جارت على قلبي هموم ثقالي

وحالي صويب فيه مليون عله

ليتك تشوف بعينك اللي جرى لي

حتى تعرف ان الغلى في محله

قدرك حبيبي معتلي فوق عالي

هذا الاكيد وكل ما قيل خله

يامنيتي عنكم ولايوم سالي

دايم على ذكراك دمعي اهله

مالي بغيرك من من اول وتالي

من غبت ليلي فيك تفكير كله

مدري عن العالم قاطع وصالي

كني غريب مالقى من يدله

تضرب بي الآهات في كل جالي

والموت قدامي بسيفه يسله

ويازين وقتي لحظة ماصفا لي

عقبك حبيبي ماتهنيت لله