ايه السعودي لازم يكون الاول
ايه السعودي موقفه يرفع الراس
ايه السعودي بالوفا ما تحول
نعطي العطا ونعامل الكل باحساس
حنا الاصل ما نتبع اللي تقوّل
نقول قول تتبعه جملة الناس
حنا لنا بالمجد فعل تدول
خطواتنا بالجود نور ونبراس
من دور (ابوتركي) وحنا نتطول
فوق العلا من يوم شيد لنا ساس
ابو النشاما بفيضه العز حول
وارسى قواعدها علىالعدل بقياس
ابو النشاما قايد السرب الاول
تنبت جذور الخير منين ماداس
ابو النشاما بشرع ربه تمول
يرعى حدود الله مع كل الاجناس
في ظل ال سعود حنا نتجول
للجار عز وللعدو ذل وعماس
حكامنا عن حبهم ما نتحول
شوفت مواكبهم هل العز نوماس
