قصر الغرام اللي بنينا هدمتيه!
واصبحت انا اللي من ضحايا دفينه
واجتاحت رياح التعاسه تواليه
ماعاد باقي غير ذكره وحينه
يابنت دون اسباب دربي هجرتيه
ياكيف من عقب الغلا تتركينه
شخص شريتي قربه اليوم بعتيه!
وانهيتي اللي كان بينك وبينه
وين الغرام اللي خذتنا لياليه؟
وقلبٍ تركته في يدينك رهينه
وين السعادة وين حلم رجيتيه
واشواقك اللي دايم تظهرينه
وين القصيد اللي كتبت وقريتيه
ودموع من شان الغلا ترخصينه
ما اصدق إنك في سهوله نسيتيه
ولا كنت اظن بيوم تتجاهلينه
مع الاسف دينك علي ماوفيتيه
وش موقع اللي مايوفي بدينه؟
كفي دموع الحزن ياعين كفيه
ياعين ماشي بقي ترتجينه
مادام من تهويه خاب الرجا فيه
إنسي,, وقلبي حاولي تقنعينه
جرح الهوى ياعين صعب نداويه
بصبر,, ومن يصبر عسى الله يعينه
