لك غلا في القلب لوعنه حكيت

به يضيع الحرف ويتعبني القصيد

كل ما عطي الحرف أحساسي لقيت

حرفي اضعف ما يقول اللي أريد

في صراع الحرف واحساسي شقيت

حايرٍ حرفي عن أحساسي بعيد

كل شاعر في حبيبة قال بيت

وقال فوق البيت أبياتٍ تزيد

وفي قصايدهم أبد ما قد قريت

لاحروف أصعب ولا حسٍ عنيد

بس أنا يابنت حاير ما قويت

اكتب احساسي وتقرينه قصيد

يكفي أني مثلك انتي ماهويت

يادواء الماضي ويافرح الجديد