الدمعة اللي مالها جرح ينشاف

اعظم من اللي جرحها معمن الشوف

عليك تجرح خافقٍ منك ملاف

منها تمكن جرح في داخل الجوف

دمعة غلا ياغايتي تتلف اتلاف

لوما لها جرحٍ على الخد مشيوف

منها شكيت وقلت لي مابك اخلاف

ليتك تويق بداخل الجوف وتشوف

جرحٍ جرحت بقلب مغرم وميلاف

ماحب غيرك دايمٍ فيك ملهوف

لو عاد حبك الف مره فلا عاف

بالحب صافي لك ولو كان مشفوف

والحب اصدق ماحكوا به هل القاف

اسمى مشاعر ترجمت بأربع احروف

لو كان له دمعه على الخد تنشاف

دمعة غلا ماهي مذله ولا خوف