يوم الوطن يوم عزيز علينا
يوم مجيد وكلنا نحتفل فيه
ذكراه رسم في معاصم يدينا
واحد من الميزان ما احد بناسيه
يوم الرياض من الشجاعة روينا
هو درس للي يطلب اعلام ماضيه
مرحوم يامن فيض مجده يجينا
عبدالعزيز الله شفع له ومعطيه
عبدالعزيز اللي برايه مشينا
سبعين عام وكلنا نفتخر فيه
بدا حياته في رزانه ودينا
حكم السعود احياه واسس مبانيه
يوم استخار بليل يا العارفينا
كان الوطن والدين والمجد يحديه
كانو معه عشرين وعشرين زينا
وبرايه الصايب جمعهم بواديه
روى عليهم سيرة العالمينا
وابلغهم ان السيف يبتر معاديه
قال الخبر يارجال حنا عنينا
واذا دخلنا الباب ندخل لتاليه
هذا الرياض رياضنا ماغدينا
نبي نعيد الملك لاهله ونرسيه
ونساعد المظلوم لو جاء يبينا
ونحمي حمى اللي غيرنا مايراعيه
حنا دعاة الخير لا ظالمينا
والود والمعروف بالناس نرجيه
لا تقربون الشيخ عهد مضينا
ولا صغير القوم بالقيد نوذيه
ولا الاياما لو يغيروا علينا
الدين قبل السيف لازم نمشيه
قائد حكيم وكل فعله يقينا
ملهم من المولى طريقه يقديه
اسس كيان كل وسطه عرينا
واللي اساسه صح يقوى بعاليه
هو مدرسة ورجاله الدارسينا
علمهم التاريخ والدين بيديه
اسس صروح شامخة للسنينا
بنى الاساس وبعده اشبال تحميه
على طريقه كلنا سايرينا
وعلى طريق الخير نتبع تمنيه
يوم الوطن يوم عزيز علينا
ومليكنا بالروح والدم نفديه
