بعض الدول لو عانقت مطلع الشمس

حنا وطنا فوق نجم الثريا

المملكة لليوم والغد والأمس

بظلالها كل نصاها وتفيا

من ماضي التاريخ يوجد لنا رمس

حنا هل الطولات واهل الحميا

نفعل على المكشوف ما نقبل الهمس

وحنا نطوع من عن الحق عيا

لله نسجد في صلواتنا الخمس

ومنها جنا القرآن ما به خفيا

نمشي بشرع الله ما نقبل الطمس

وسنة رسول الكون سمح المحيا

وحدودنا تحشم عن الدوس واللمس

ذرة رمل لو هو كحل ما تهيا

حنا حمسنا قلوب عدواننا حمس

واللي نوانا بخير عزه هنيا

والملك ما يأتي كرم ينوخذ عمس

للي خطاهم للخطر ما تريا