عدما يمطر سحابه من سماه
وعد ما حي على البيداء يسير
أذكر الله واشكره واطلب رضاه
وابتدي بالقيل فاليوم الكبير
النهار اللي ينومسنا نباه
يوم ذكرى النصر والفعل الجدير
فعل ابوتركي سعد نجد وذراه
لا لفت بعناد والتف النظير
يشهد التاريخ والقاري قراه
الفعل مشهور والفاعل شهير
فعل ابوتركي معزي من قواه
الفعول كبار,, والفاعل كبير
يوم ملك ابوه واجداده دعاه
خلصه بالرمح والسيف الشطير
ولم شمل الشعب وطوع من عصاه
لين بان ارغاه من عقب الهدير
من ذكر عبدالعزيز ابدى ثناه
عل اجنان الخلد للعاهل مصير
والعهد من يده في يد من حماه
ضاهدين الضد مغنين الفقير
يوم مات العود ما ضاعوا الوصاه
واصلوا قدام ساروا بالمسير
سعود,, وفيصل ثم خالد من وراه
في مسير الحق ما طاعوا شوير
عل ميتهم رضى المولى جزاه
وعل يبقى الحي ويشافي الضرير
تحت ظل الفهد والمولى عطاه
حب شعبه من كبير ومن صغير
عاش ابوفيصل سعد منهو نخاه
لا بغاله درب ملزوم يصير
عل يبقى حي ويبقون اعضداه
لابةٍ في الضيق امعاديهم حقير
حكمهم بالعدل والشعب ارتضاه
من نصر دينه له المولى نصير
وعمروا فالدار وعلو مستواه
ولبسوها الجوخ واثياب الحرير
بالتطور فالحضارة والحياة
واصبح الدكتور منها والخبير
في ذرى آل سعود حكام وقضاه
يشرب الماء من ورد عدٍّ غزير
