قالوا جميلة قلت فعلاً جميله

لعيونها ترخص عيال الحمايل

عز الله ان النفس ماهي عليله

يوم اذكر المعروف لام الجمايل

ارضٍ تضم ارجال كله القبيله

توحده باسباب وافي الخصايل

هذاك ابو تركي براس الطويله

لطام كل اللي عن الحق مايل

قلبه على حكمه وعينه تخيله

حتى يعود الحكم بكل الوسايل

قلبه على كفه بعزمه يشيله

يشيل حمل الخير وللخير شايل

دستوره القرآن ربه كفيله

ويعود مجد معتلي كل طايل

وتنحرو لرياض ذيك الخميله

عروس نجد ونقضتله جدايل

تقول فارس نجد منجي دخيله

كفه تشيل الخير والشر زايل