على ذكرى نهارٍ لمنّا جينا علينا دَين

لإخو نوره عسى روض الجنان اليوم منزاله

عسى خدّن جمعنا عقب ماحنّا شتات يزين

يزين إبه الثرى وإتميّل الدعوات مكياله

زعيمٍ لمنّا ثم حطّنا في القلب قبل العين

جمعنا بالمحبة واعتزى فينا وجينا له

وتعاهدنا على عزّة وطنا كلنا راضين

ودون رمالها كلن نذر دمه مع عياله

تفاخر ياوطنا خصلك الله باطهر البيتين

تفاخر بالمدينة,, والحرم وبنجد ورجاله

أنشهد يوم كلن حط له عزوه وجاه ودِين

حباك الله بكل المكرمات وصفوة افضاله

وعليك الله وامانه ياوطنا مايجيك الشين

مدام ارواحنا باجسادنا والدم في حباله

نذود ودون حدك نفني الأول مع التالين

ليا حمي الوطيس نجيك رجليّه وخياله