حيا الله اللي عزيز وعندنا غالي
اللي لنا مثل صدره فاتحٍ بابه
سلمان وجه السعد,, ومعرب الخالي
حبيبنا مثلما انّا كلنا احبابه
سلمان شكله غريب بكل الاجيالي
عساه يومٍ يعود اللي لنا جابه
سلمان لا جيت له تلقاه طوالي
عد الروا من رد جاله تروى به
سلمان بالحال جاد لنا وبالمالي
حرٍّ نهار الهدد يشبعك مخلابه
والله,, يا له مقامٍ عندنا عالي
وله هيبةٍ كبر ضلع طويق وهضابه
وله عندنا قدر,, واله اكبار واجلالي
جعله مع اهل اليمين يسلّم كتابه
يالله, يالله,, يالمعبود يالوالي
انت الكريم الذي ماخاب طلابه
احفظ لنا شيخنا اللي يحتمى التالي
واكسه من العافية ما تكسي ثيابه
وابقه لكل الوطن نسو ان ورجالي
ولاهل فلسطين شبابه وشيابه
وابقه لعودٍ ضرير ولام الاطفالي
ولشايب يم كشمير يتعزوى به
وابقه,, من البوسنة خيره لنيبالي
ولمسجدٍ في جروزني طاح محرابه
ولمشتكٍ له دليه تصفق الجالي
ولمخلصٍ عند من لاقدَّر اتعابه
وابقه لنا ذخر,, وإلناستر وظلالي
وابقه لنا سيف عزٍّ نقضب نصابه
وابقه للاخلاق تضرب فيه الامثالي
ولسنة المصطفى المعصوم وأصحابه
وابقه كثر ما لابو فهد من الافضالي
وكثر قلوب تسافر معه بغيابه
والنعم يابوفهد في كل الاحوالي
ننشر له البيض بأفعاله وبآدابه
ونسوق له بالمعالي كل فنجالي
ومن يفعل الطيب عند الناس يجزى به
يقوله اللي يمجد فعل الابطالي
والصدق عند العرب بيِّن,, وما شابه
