أنا أمقت دايم وأكره عديم العرف والأسلوب
ولا أحب الشكوك اللي ترى ما يحسن النيه
ولا أحب الكذوب اللي يجي هرجه على المقلوب
ليامنه هرج حط الشماليه جنوبيه
ونا بلادي بالدنيا من اللي تشذب العرقوب
ومع العالم لها وجهين تلون كنها الحيه
وارع الهرج لو هون فلا يمكن ترى بيتوب
فلا بده على ممشاه الا يا دافع اليه
ونا ماني على خوة رديين العرب مغصوب
اجنبهم واروح بعيد مع ربع شقرديه
انا احب الصديق اللي يساعدني بوقت النوب
وليا مني دعيته قام بالواجب وجاليه
وراع الطيب عند الناس دايم غالي ومحبوب
وفعول الطيب مذكوره ترى ما هيب منسيه
ولا في هالبشر واحد بشر الا وبه عذروب
ولكن شوف ما الأكثر حسانيه ام مساويه
يقوله شاعر لاهاظ يجي شعره على المطلوب
بجهده ما خذ اشعره ترى سرقه وعاريه
