مرحبا في مرحبا بالقريب والبعيد

عد ماهب الهوى من جنوب ومن شمال

ودنا في ماقف به نفيد ونستفيد

والفوائد في علوم الرجال مع الرجال

البقاء يا اللي ترحب وشوفك يوم عيد

عد ماهل المطر عد ما هل الهلال

الله يلبسك صحتك بثوب الجديد

الحقيقة ما يشيل الحمول الا الجمال

واصل المشوار والله يدبر ما يريد

والدروب مصلحة والليال هي الليال

اثر اسم باشة حلب في حلب عبدالحميد

له علوم تفرق الشمس من حد الظلال

انت دكتور الشعر وانت للساحة عميد

اما انا ما ضاع لي جنيه ولا ريال

ابشر ان الوضع بكره على احسن ما نريد

القمر عرض السماء والعلم فوق الجبال

ملعبتنا كلها بنت هارون الرشيد

كاملة مكملة بالدلال وبالجمال

يا كثر خطابها من حرار ومن عبيد

لكن العذراء تبي فارس له راس مال

انورت بوجودكم وانت سيف ابن الوليد

بس قلي هي حرام علي والا حلال

الحقيقة ما يفك الحديد الا الحديد

احتمال يصير في تالي الوقت احتمال

وش يجيب الهند لسكندرية والصعيد

لكن الدنيا يجي وسطها عدل وميال

يا جماعة ودي اقول لي علم وكيد

ياالله الله يا عرب في الجواب وفي السؤال

البلاء من لقمة غليص نشبت في الوريد

الهنود هنود ما هم عمام ولا خوال

السوالف تختلف والمعاني في القصيد

هات علمك ما نقول احفظه ماله مجال

جعل من خلّى جمل شيف بالمفلا وحيد

ما يطب المسجد اللي قد اذن به بلال

كل رجل ما يعرف السنع قلبه بليد

مستحي لا قول ما هو صري من الهبال