يا راكب اللي ما لحنه ظلافه

ولا داره الجمال يدن العلف له

ما مون توه يصطفق في عسافه

لو طال طيول المدى زاد جفله

يا دار يا دار العنا والتلافه

وين الغضي وش امره اللي صدف له

تقول اخيله يوم عقب اسنافه

واليوم ما ادري وين درب ذلف له

يا دار ياما جيت لك بانصرافه

نوب على عينه ونوب بغفله

يا دار يا للي مثل بو وقافه

تبهل عليه الطايله وتعطف له

البارحة شفت الحبيب خطافه

خبرك يشوف الليل ما ينصرف له

وابوي ما ازين وقفته بانحرافه

والكل منهم يوم دنق وقف له

يشدي ظليم جافل مع اسنافه

شاف المبندق بالمطامن لقف له

واقلبي اللي ما يبين اخلافه

لا شاف زول الزين ينهج قفله

والقلب وده ينشده يوم شافه

مير الحبيب ما صخا ينحرف له

يا القلب وش حدك لعلك للآفه

هذا اللي انت اوذيتي تنشعف له

والله لولا الهرج وادرا المخافه

واخاف هرج ينقله كل سفله

ما دون اجيهم مثل نوع الحيافه

واعلمه في غايتي واحلف له