ان جيت تنشد عن مشاوير دنياي

يغنيك عن مضمون قولي ضياعي

شفني وتعرفني من أدناي لاقصاي

أعيش في غفوات حلم صناعي

مثل العمى لا زلت ما شوف ممشاي

تايه وحيد وجاهل وش صراعي

دخلت في دنيا المتاهات برضاي

أبي الصعود وطحت قبل ارتفاعي

هذي حقايق قصتي كبر بلواي

اسعى ولا أدري وين باب المساعي

أمشي ولا أدري وين تمشي بي اخطاي

بين الرجا والياس والحلم ضاعي

عقدين راحن في متاهات دنياي

واللي بقى بامشيه دون اقتناعي

اما شربت الجم في كف يمناي

والا هلكت بضيعتي والتياعي