|
| تراث الجزيرة
نشرنا في عدد الأسبوع الماضي لغزاً كتبه الشاعر سعد الكثيري,, وكان يقصد في حله جبلي أجا وسلمى وان كان الحل يحتمل أكثر من معنى,, وهذا ما نعاني منه في بعض الألغاز,, لكن لم يفت الحل على كثير من قراء الجزيرة الذين شاركوا في حلول لغز الكثيري الذي نصه:
أنشدك عن شيخٍ سنينه طويله شقيقته قربه ولونه مثاله كم حولهم عاشوا ربوع وقبيله فنيوا وهم باقين وبذا دلاله |
وقد جاءت الحلول الصحيحة كما يلي:
يابن الكثيري من يعدي الطويله أكيد لغزك ذا يجاوب سؤاله اللغز حله يم حايل نحيله ما بين أجا وسلمى رواسي جباله |
حواس الديري
قبه
***
حييت ياراع الحروف الجميلة ياخذ سمين القاف يترك هزاله ولغزك عرفنا مضمنه وتحليله أجاو وسلمى مسكني عند جاله |
طلال شباب اللغيصم
حائل
***
اللغز واضح والمعاني جزيله يا مرحبا بللي قرينا سؤاله اجا وسلمى بالشمال انعني له ذي رمعتي ما فيه حلٍ بداله |
راشد بن ناصر الشقيق
الأسياح
***
القاف لي سلوه ولالي بديله كلٍ تولّع وانفتن في مجاله لغز الكثيري واضحٍ لي دليله يهل التراث أهل الوفا والجماله اجا وسلمى بالشمال الجميله حايل عروس المملكة في شماله |
فهد بن عقيل الطويان
بريدة
***
يا مرحبا باللي علومه جميله ولا هل الوفا والطيب مني رساله اجا وسلمى ما لفينا بديله وهذا جوابه ياصلك بالعجاله |
محمد بن عبدالعزيز الخنيفر
***
خذ حلها بأبيات شعرٍ جميلة يابن الكثيري ياعريب الاصاله لغزك ترى حله ولابه بديله اجا وسلمى يا صبي الشكاله |
ناصر بن سعد بن دغيم السهلي
الحفنة
***
اللغز يا فايز بيوته جزيلة ثمين صح لسان رجّال قاله رح ارسله بالفاكس اسرع وسيله أجا وسلمى من شوامخ جباله |
سالم مقبل الغرابي الحربي
القيصومة
***
كريم يا برق مزونه ثقيله نشمي من القبله ثقيل خياله والحل اجا وسلمى جباله طويله وموجود غيره ومثله وبداله |
فالح بن غازي الغاوي
رياض الخبراء
***
يا مرحبا بك عد وبل المخيله واعداد ماهب الهوى من شماله والهرج يكفي عن كثيرة قليله الشيخ اجا والبنت سلمى قباله |
عطا الله بن سليمان العطا الله
الزلفي
***
سر ياقلم وكتب ابيوت جزيله مشايل لا اهل الوفا والجزاله واللغز حله بالجبال الطويله اجا وسلمى بين عمّه وخاله |
نافع الحربي
الرياض
***
السيل لازم ينحدر مع مسيله ما كان قدامه من العوق شاله اجا جواب اللغز واخته مثيله هذيك سلمى شامخات اجباله |
علي رشيد الرشيد
رياض الخبراء
***
هات القلم واكتب بيوت جميله للطيبين اهل الوفا والجماله اللغز حول النايفات الطويله اجا وسلمى يم حائل اقباله |
خليف الحربي
الرياض
***
يامرحبا بك عد نار الفتيله من شاعرٍ جاب القوافي بحاله شيخك جبل مافيه لفه وميله وقول الجناحي واضحٍ بالمقاله |
عبدالرحمن بن سعد بن حمود آل جناح
القويعية الجفارة
***
ابن الكثيري جاب لغزٍ يشيله ماكنه الاجبال حايل خياله ماكنه الا أجا وسلمى الطويله اللي بها حاتم يذكر مثاله |
محمد المويعزي
بريدة
***
أمس الضحى عديت رأس الطويله في موقع اجا وسلمى قباله غنيت في الكثيري واشيله واقول حل اللغز هذا مجاله |
صالح علي الحربي
ساق الجواء
***
|
|
|
|
|
