مثل القمر ليصار نوره كسيفي
اكسفت فجأة من فراق المواليف
مسكين قلبي قام يرجف رجيفي
قالوا السفر الحين مافيه تصريف
العلم جاني ثم خرب كيف كيفي
يقطعك ياحظ الردي مخرب الكيف
طلبت منهم يوم اودع وليفي
واشرح له ظروف الزمن والصواديف
من علمهم يابنت حالي نحيفي
العلم حطم عاشق الريم ياحيف
والله لو قطع كل بيدي وسيفي
منساك مهما صار في البعد تكليف
ليتك على الإيرباص والله رديفي
ورتاح من دمع الشقا والتحاسيف
أخر كلامي يالغزال الشريفي
بالصبر نلقى الحل مافيه تحريف
لوح بدينك لي إلى جاك طيفي
ورسل خيالك لي تراني انطر الطيف
هذي معاناتي لكم يالعفيفي
من منبع الأحساس ماهيب تأليف
