يا حبيبي لا تطول فالغياب
طيفكم عن ناظري عيا يغيب
لو يطول الوقت ويشيب الغراب
ما نسيتك ما ارتجي غيرك حبيب
المحبة سم والفرقا عذاب
والرجاوي جعل ظنه ما يخيب
جملك رب الملا منش السحاب
الإله اللي على خلقه رقيب
يا حسين الوصف يا عذب الجواب
يا نحيل الخصر يا النوع الغريب
لو وصفتك ما سلمت من العتاب
يعجز التعبير فالوصف العجيب
وأعرف ان الحب قد عنّا عقاب
والهلالي من هوى عليا عطيب
والدجيما حب ثم قفا وغاب
فالحفاير حط في حيد القليب
واجد اللي من هوى الخفرات شاب
واجد اللي شاب قدام المشيب
من مشى درب الهوى ماش انسحاب
ياخذ المقسوم والصايب يصيب
واختم الابيات والفرقا عذاب
والعتيبي جعل ظنه ما يخيب
