واتل قلبي تل ممرس رشاها

من فوق صلفات العسايف تتلّه

القلب تلّن صوب نيّه هواها

والنّفس مزهاف وانا قاصرله

واعيني اللّي ما أدري وش بلاها

ليل ونهاره والبكاء سهمةٍ له

عين الخطا من حاجره ضاع ماها

هذات ترقل به وهذا تهلّه

عليك يازين الوصايف بكاها

عليك موّس دمعها حاجرلّه

يامن يعذل العين تربح عناها

وتجوز عن كثرة مراعاه خلّه

ابو قرونٍ بالبلايل غذاها

أذيال شقر نسّفن الآجلّه

قلنا تبيع وقال ما أطري عطاها

قلنا تحدّه بالثمن قال لله

قلنا علامك قال ربعٍ وراها

قلنا تّهون وقال عسرٍ محلّه

عود قعد له من بلادوى سماها

قعد له الرّب الولي قاعد لّه