عزي لم رزقة ورى التنذل يبغاه
والله ليقعد مفلس لو يجوعي
يخيب ظن اللي بعد بيترجاه
ما هوب يمه لو جلب له اسبوعي
لو أن به خير تبين وشفناه
عيب الفتى وإن قال علم يتوعي
كم واحدٍ بيموت ويكب دنياه
أمله بعيد مار جاه الفجوعي
لكن كلٍ يذكرونه بمعناه
ثلاث فيهم مع حسين الطبوعي
الدين ساس المجد والصدق مبداه
من طاع ربه مالك الله يخوعي
والثاني اللي فالمواجيب تنصاه
حلالها لو أردفن الجموعي
والثالث اللي تذبح الحيل يمناه
ما هوب لاشٍ دون كبشه جزوعي
وأشوف بعض الناس شغله مراواه
يصلي الجمعة نهار الربوعي
مرٍ لبيب ومر تكره سجاياه
ضيع مسيره فاختلاف الطبوعي
ما هوب يفهم في طريقه وممشاه
أحيان يأخذ غفلة ثم يفوعي
