يا بنت يا اللي بالشعر قلتي أمثال
مطالبك عسره بهذا الزماني
ويا صعب ما حققتي أحلام وآمال
واللي ذكرتي بالقصيدة دهاني
ولاني بوحدي من قرا الشعر يهتال
وانحاش عن بابك وبدل بثاني
لا طب حارتكم هرب يهذِل اهذال
ويقول ما ابغى العرس ماني وماني
لا قلت انا له ليه يقول انا ذال
اخسر حلالي ثم احطم كياني
ابغامره ترضابي بكل الاحوال
بستر ووفا لا غبت تقضب مكاني
واللي طلبتي صعب يلقى برجال
وكم حرمة راحت ضحية اماني
ارضي بعشر اللي طلبتي عسى الفال
طيب وخلي عنك فتل العناني
ومن لا يتنازل عن مطالبه له حال
ولا طال راس نصافحه باليماني
هذا مجرد راي وكلِّن له احوال
تنازلي يا بنت والعمر فاني
