حاولت اخبي عن نظرهم هوانا

لكنهم شافوك ما بين الاهداب

حاولت لكن بان فينا ظمانا

حتى القلم عند اسمك البارحه ذاب

حب الجنون اليوم قصة هوانا

والشوق فاضح لو نسميه كذاب

ما اقوى الفراق اللي بناره كوانا

يكفي حياة عشتها بين الاغراب

الهم والهوجاس عقبك غزانا

والناس بعدك كلهم صاروا اجناب

متى على الله ويتجدد لقانا

ونصير عقب غيابنا كلنا احباب

الله بحبك يا حبيبي بلانا

ودنيا بدونك ما تساوي لها تراب