الحل واضح لاصغير ولاكبير

ويديك تمسك به يمين ويسار

هذا المقص يصير ولا مايصير

الحل واضح والخطا بالاعتذار

يامرحبا باللي نشر لغز جدير

به المعاني واضحه والاختصار

هو المقص اللي على الطاقة يدير

ممشاه واحد من يمين ومن يسار

حي الجواب اللي لفى وجابه خبير

من ناصر الخرعان جابه بابتكار

هذا مقص يخلي الطايل قصير

قول الجناحي واضح دون اختبار

لغزك يابن خرعان يلقاه الخبير

وأبين على ماقيل من شمس النهار

هذا المقص اقولها مافيه غير

اقولها ياصاحبي لك باختصار

لغزك يابن خرعان ذا سهل ويسير

والحل عندي واضح مثل النهار

هذا مقص لامشى مشيه خطير

خص إلى منه تعدى بالمسار

في صفحة عندي كما نسم العبير

لقيت فيها للحجاوي اعتبار

حليت انا ذا اللغز حيث إنه يسير

هذا مقص لامشى حدد مسار

لغزك يابن خرعان له حل يسير

كلمه وجاتك بالجزيرة باختصار

هو المقص,, حروفك لحله تشير

ماهوب ياكل غير لاحرك وسار

أنا انشغلت وجعل هذا الامر خير

ابطيت عن صفحة طويلين العمار

صفحة تراث آسف على الهرج الكثير

ترا المقص الحل هذا الاختيار

أنا قريت اللغز واعجبني كثير

تعيش ياناصر ولك قدر ووقار

هذا المقص ولاهو طويل ولا قصير

قص الطوال يلين خلاهن قصار

لغزك يابن خرعان ابد ماهو عسير

واظن من مثلي يحلونه كثار

هو المقص اللي صحيح اكله كثير

ياكل ومايشبع بليل ولا نهار

حنا عرفنا الحل يالرجل الخبير

هذا المقص ولا على حله غبار

بالفاكس وإلا نرسله عبر الاثير

يبحث وراك بكل حي وكل دار

سلام للي صاغ لغز من الضمير

اعداد ماهل المطر والطير طار

لغزك مقص لامشى حده شطير

ياكل ولايشبع بليل ولا نهار

لولا الجزيرة كان مدري ويش يصير

خليتو الابداع مبدا اول قرار

ياهل الوفاء والعرف والعقل الكبير

الاوديه ماتمشي الا بنحدار

لولا المقص يخلي العاقل يحير

الاعتذار افلح برد الاعتذار

قريت لغز بادعه رجل خبير

يامرحبابه عدما وقع وطار

ترا المقص ياصار مسنون وشطير

يقص ماشافت عيونه في نهار

العلم بحر ياهل الطالة غزير

معلوم ماله ساحل ولا له قرار

صحيح,, وإن شاورت بالرمعه خبير

قال: المقص غيره ترى مالك خيار

لغز لابن خرعان ماهوب العسير

واضح ومعروف ولافيه احتيار

هذا المقص اللي ترى فضله كبير

له حاجة يازينها وفي كل دار

نمشي وناصل ربعنا باسرع مسير

والله يزيد تراثنا حب ووقار

الحل ياناصر مقص يابصير

دايم نشوفه عندنا شكله كثار

ياناصر الخرعان ذا شي خطير

والظاهر انه لامشى حل الدمار

ذاك المقص والظاهر انه مايطير

ماتعرف الرجل اليمين من اليسار

حياك ياناصر عدد طير يطير

واعداد ماشال الشجر ورد وثمار

ترى المقص ان صار مع شخص خبير

يضبط اثيابك لاطوال ولا قصار

يامرحبا ترحيبة فيها العبير

من خاطري في مولده تاسع نهار

شفت المقص اللي على اللقمة شطير

من يعترض فكيه يبشر بالدمار

ناصر هلابك عد ماحي يسير

لغزك قريته بالفضا قبل المطار

ترى المقص حله وغيره مايصير

مع من يخيط وقص وأيضا بكل دار

اللغز مايحتار به فطن بصير

والحل واضح ماعلى لغزك غبار

ترى المقص نستعمله فوده كثير

مشي المقص فيه العجب والاعتبار

حييت يالخرعان يالرجل القدير

واللغز حله عندنا يصدر قرار

هذا المقص اللي كلا صوف وحرير

ياللي تعلم للحلاقه في الصغار

لغز الجزيره صاغه الرجل الخبير

بيتين من شعره وزنها باختصار

وفي محتواها لغز لكنه يسير

مقص والحلاق حطه له شعار

يامرحباً باللغز من شاعر خبير

نبعث لكم بالحل من دون انتظار

هذا المقص اظن ماحله عسير

نستعمله في قص حاجات كثار

اشهد ان اللغز من شخص خبير

يوم فكر فيه جاد الاختيار

المقص يا ماكلا صوف وحرير

وأكله ماينفعه ليل ولا نهار

مفردات اللغز من شاعر كبير

فيه متعه وللذكيين اختبار

المقص مجبور لاراد المسير

لامشى رجليه تمشي بنشطار

يامرحبا باللي نظم لغز كبير

عد الغصون وطاير وقع وطار

هاك المقص عندي على كيفي يسير

مايسقم الخياط ساعة من نهار

الرجل رجلينه قفاهن مستدير

يوجد مع الرحل وساكنة الديار

ذاك المقص اللي يقص به الحرير

ويقص ماتحتاج لابسة الخمار

ياصاحبي لغزك ترى لغزاً مثير

عبر التراث نصوره صورة شعار

هو المقص ياصاحبي ماله جفير

هذا جوابي واكتبه بالاختصار

ياهل الوفاء والعرف والراي البصير

اللغز له رمعه تحله باختصار

ولغزك يابن خرعان ذا ماله مطير

عن المقص ولا له اسم مستعار

اللغز حليته وله حل قصير

والحل مايحتاج مني الانتظار

شاهدت عم حمود تفصيله مثير

قلت المقص الحل عندي بختصار

ياشاعر تغرف من الجم الغزير

خذ حل لغزك يوم صغته باقتدار

حنا نعرف ان المقص بطنه كبير

ياكل ووزنه مايزيد به العيار

وعند الحميدي واحد مثله صغير

يقص بعض بيوتنا للاختصار

اللغز يبغى فكر رجال خبير

يهدف على المرمى ولو بالجو طار

عرفت حل اللغز رجال يسير

هذا المقص ولا بها شك يثار

يامرحبا بك عد ما دار المسير

ياناصر الخرعان يانسل الحرار

مايعرف الألغاز ياكود الخبير

هذا مقص لازمٍ في كل دار