سلامي عليكم والمعاني لها باب وجواب

نعم الجميع وكل جابه نبي مردودها

أنا ابضرب العشرين بالعشرة واضيف حساب

على شان نعرف ما نقصها ونعرف زودها

هلا مرحبا ماهل واهمل هماليل السحاب

من المزنه اللي يقصد النايمين ارعودها

ليامن ضربت احساب قسم وقابل بالصواب

ولاتمتحن نفسك بشي يضيم جهودها

بعدما قرينا الفهرسية وراجعنا الكتاب

ضبطناك في كلمة عتب حاضرين شهودها

وانا اللي على درب الوفا لابس بيض الثياب

غليبة تجيني منك ياالخس وش مقصودها

انا راكن للحق وايضا بيمناي النصاب

ماطيع الرجال اللي تفتل على عضودها

انا ما ازرق الصاحب ليا من غفل زرقان داب

ولاخير بجمالٍ يجي عضها ببنودها

انامد خلي مع باب واحد ولك عشرين باب

جمال العقيلي تدحم والجرب بجلودها

تنادي مع الراعي وتركض مراكيض الذياب

ربوع تحاربها وقوم تحب خدودها

انا مدخلي باب الرجوله مهو باب الخراب

ولافي وكيل ادم على بيضها مع سودها

انا اركض مع الطيب واشيله على روس الهضاب

ماحط الثعاله يامفرح بقدر افهودها

لمع نجمك البراق يومين واخفاه الضباب

متى طلعتك ياسهيل حتى تجي بوعودها

ليا شفت عندي يا احمر العين بالحبل اكتراب

تجند سلاحك والموارد حيام ورودها