الليل متعبني مثل ما انت شايف

الليل مرقاب الضلوع المهاديف

الليل نعمه وأكثر الناس خايف

ان الليالي ما تجي له على الكيف

سواده ابيض من بياض الصحايف

وصباحه أدفى من حنين المواليف

لمعانقه يلتم شمل الولايف

ومفارقه يغتال ضحك السواليف

الله أكبر فيه هاك النوايف

ليا اعتليت ابها نسيت المناكيف

لوصار حظي منه حمل وكلايف

أبغاه بارقى فيه روس المشاريف

اببتعد واسري خلا جيت عايف

مدري أنتهي وألّا ابتدي بالصواديف

لو كان جرحي بين الأضلاع نايف

الليل ضيّفني وأنا صرت له ضيف

أثره حنون وما توقعت زايف

ضم الجروح وعوّدت كنها طيف