يا الله بمانك من النكبات تأمنا

والدار باحماك تمنها وتامنها

لاوامر القايد الأعلى تمثلنا

أرواحنا في سبيل الله نعربنها

بقيادة الفهد شلنا الصوت واذنّا

على المناير تلج ابنا مآذنها

وان كان صاح الفهد صاحت قبايلنا

بالصيحة اللي جميع الكون يذعنها

صيحة ندا والفدا فن ولنا فنَّا

فينا فنون المعارك وانتفننها

وليا نخانا ولي العهد ثمنا

النخوة اللي على الوقفة نثمنها

حوله ومن حول من حوله تكونا

جزمه ولزمه وضربات نعينها

وليا اعتزى النائب الثاني تزهلنا

لمصافح المعتدين وقصف أماكنها

والمملكة في حمانا حيث ماكنا

بالدم نسقي ثراها وانتحضنها

فرض علينا وعهد قد مضى منا

إنرد بالنار هجمات العدا عنها

صنّا المشاعر عن أشرار الملاصِنّا

عنها الشوارب إذا فتلت نحسنها

مكة وطيبة لنا وإلنا وغصب إلنا

ترسانة الدين للعالم نترسنها

يالله يالله فزعتك يا رحيم ويا ودود

يا كريم عند دفع المصايب يُسأَلاَ

يا جواد كل من جاد من جودك يجود

يا مشرفنا بحمل الكتاب المُنزلا

ما سجدنا إلا لوجهك,, لطاعتك السجود

بامرك إحداث الليالي تحل وتفتلا

التفتنا للحرايب ووثقنا القيود

خطة تبرم وتبرم وجهد يبذلا

حرك الفتنة عميل الشيوعي واليهود

هامل الجدين مسرج ظهور الهملا

جعل يوم جاب صدام يوم ما يعود

المشاكل تصطلي والخطر منه اصطلا

اعقلوا عدو الإسلام بعقال القعود

خلو النازي يشم التراب مكبَّلا

انشق البارود حتى يطيبن الكبود

واسحب أذيال الهزيمة وناد لك زملا

ما كسبت أم المعارك ولا حصلت فود

غير صاروخ يدكك وسرب يرسلا

أنت حربك خاسرة لو حشدت أكبر حشود

مقبرتك ممهدة عاجلة ما تجَّلا

لله شكر وحمد والسعي مشكور

سعي مضيعة الذمم ما سعوابه

النصر تم وبيرق العز منشور

كسا شمالي البلاد وجنوبه

للشعب حظ وشعشع الفجر بالنور

شعب ترابط مشرقه مع غروبه

شعب وفي ساعة الضيق مذخور

تامن به الأوطان وقت الصعوبة

شعب على صكات الأيام مقصور

واعي لصكات الزمان وغيوبه

قبل النذر ياخذ حذر كل محذور

محبوب يحظى بالولا لمحبوبه

من حاد بك يا شعب غابر ومثبور

قرع الافاعي حولت في جيوبه

زبنتي يا بعد روحي زبنتي

صحيح إن كنت أو ما كنت كنتي

على الحساد جري ما لبستي

بعد عيني وقرة عيني انتي

اضمك من ضلوعي في ضلوعي

ومن قلبي على قلبي سكنتي

أنا يا بنت حبي لك تغذى

بحب مثل حب اختي وبنتي

رجعتي لي بعد شالوك عني

بعد شالوك عني ما ركنتي

صرختي وانصلختي من يديهم

ولا هانوك وان هانوا لا هنتي

أنا أحسب كل غايب ما يعود

احسب انك على العالم ظعنتي

واثر ما للوليف إلا وليفه

قسيتي أو على الأحباب لنتي

اعرف إنك عن العثرة حصينه

لو أنك تنقضين العهد خنتي

قضيت سنين وايام وليالي

حضينك لي ولابه يوم شنتي

ابابكي كل ما شفتك بكيتي

وباحزن كل ما شفتك حزنتي

احطتك بالاخوه والمروه

لثديك ما رضع من طفل صنتي

اجيلك وانحني لك وارتكي لك

حضنتك بالأيادي واحتضنتي

حميتك مثل وجهي واحتميتي

ولا ينقص من كسوتك سنتي

أنا يوم اتغزل فيك احبك

فتنتي كل عشاقك فتنتي

عشاشيقك يحبون المنايا

على ظنك حصل لك ما ظننتي

تضيق الأرض طول وعرض منا

من الحيين ضعف اللي دفنتي

الا حتكت ثم اصطكت نوابي

نجيب القول ما سجل بلنتي

لنا بالذروه العليا مقاضب

على العز اقترنا واقترنتي

وانا اصلي يعربي ياليعربيه

لسانك بالفصيحه ما لحنتي

جذبتي اصل العروبة يا عريبه

هولاكو ما رطن لك وارتطنتي

عليك الله وامانة لك ضمانه

ضمنك الله وردك وانضمنتي

أداحم عنك بالمنكب واعدي

وانا لحصنك حصانة واحتصنتي

وإلا يا كثر ما هم تطلبينه

ودفعتي كثر مهرك ما استعنتي

عرفتيني يا بنت أو ما عرفتي

انا اللي قمت لك يوم امتحنتي