ماني بناقص هم ياعاذلي جوز

وش دخلك ما بين شخصي وذاتي

ماجيتك أشكي حالي بخير وانوز

وعزيز نفس وناطحٍ واجباتي

وعزي لنفسي عندي يساوي كنوز

وطبع الردى والخبث ماهي صفاتي

ولا أحب من به طبع خايب,, ولاموز

أهل الضغاين والحسد والشماتي

اللي بهم طبع الشياطين مغروز

أنجس بشر وعلومهم خايباتي

ياراعي النمة كفا سكر البوز

ورح روج هروجك بوسط الخواتي

مادام راسي سالمٍ ماعلي عوز

وان استشرتك واخسارة حياتي

ولي عند راع الطيب قيمة ومعزوز

والا أنت ما تقدر تسوي سواتي