انشدك عن ورع يغطى بقبره

يدفن ولا توضع عليه النصايب

غطاه رجل فيه حنكه وخبره

وإن هانه المخلوق ذاق المصايب

يقول من عنده بالألغاز خبره

اللغز يا سليمان وارد وصايب

هو اللغم مدفون في وسط قبره

يكفيك شره في نهار الحرايب

لغز الغفيلي ياهل العرف عبره

عبره ليا من ثار شفت العجايب

هو اللغم من صاد ياكود جبره

عزاه ما ظني يشم الهبايب

خذ القلم ياخوي قم عب حبره

وارسل حلول اللغز يم الحبايب

هو اللغم من صاد سيده القبره

ما ينلحق به ناصحين الطبايب

بحر المعاني يشرف اللي يعبره

ولغز الغفيلي محكم القول صايب

والحل عندي عقب فحصه وسبره

لغم المعارك مكمنه فالترايب

يساعد الإنسان حلمه وصبره

وإن كان جاب الرأي تلقاه صايب

كم واحد يسكب في الدمع عبره

لاجل اللغم خلّف قتيلٍ وعايب

وسط التراث اليوم نقرابه وعبره

لغزن يقوله رجل واللغز صايب

ذاك اللغم بالحرب صغره وكبره

محدن يشوفه لين يصبح لهايب

اللغز ياسليمان ربعه تخبره

مصايبه كم خلت الصبى شايب

اللغم يزرع في ثراء أو بغبره

في كل ساحة حرب جاب النشايب

ترى الدفن بالقبر ما هوب عبره

يامادفن به من صغير وشايب

الا اللغم يدفن بصغره وكبره

منظم بنظام ماهوب سايب

حتى بوقت الحرب فعله نخبره

يزرع بدرب الجيش وقت الحرايب

لغزك يابن راشد عرفناه عبره

من سبته بالناس ميت وعايب

ذاك اللغم يالقرم كلن إيخبره

اسلم وجاك الحل والكيف طايب

لغز ابن راشد فيه حكمة وعبره

معناه في البيتين هادف وصايب

درب له الألغام محد يعبره

تزرع بدرب الضد وقت الحرايب

الحل يا سليمان كلٍ يخبره

يالشاب جاك الحل من عند شايب

عجل إن كان المنتظر طال صبره

ومن اللغم كم واحد صار عايب

سار القلم واستقبل الطرس حبره

وسجلت من جزل التحايا نجايب

للي خذا في بدع الأمثال خبره

وهبله المعنا جزيل الوهايب

من قال وش ورع يغطي بقبره

قلت اللغم ياالله عسى الحل صايب

من لا تحذر من طريقاً يعبره

صاده لغم مزروع خطر الضرايب

ومن لا اعتبر لا شاف بالكون عبره

لابد من يوماً يذوق العقايب

سلمت يا من له بالألغاز خبره

اللغز يا سليمان وافي وصايب

حله لغم من داسه يزور قبره

الله يجنبنا المحن والمصايب

مثل الغفيلي له بالأمثال خبره

أنا أشهد إنه دوم وافي وصايب

وترى اللغم ما يرحم اللي يعبره

يفنى وتركز فوق قبره نصايب

خل القلم يرعف على البيض حبره

على أبيض القرطاس لاسال رايب

أنا عليّ القاف يازيد حبره

وانته عليك كتابته لا تغايب

ترى اللغم لانيش ياقل صبره

يثور جعله ما يثور بحبايب

يامرحبا بالصاحب اللي نخبره

بالجود والعز وعلوم الأطايب

هذااللغم ما يحتمل ضغط ابره

فالجيش يستخدم لرد الكتايب

وإن داسه المقرود يمسى بقبره

وإلا يعيش العمر ناقص وعايب

سار القلم ينثر على الطرس حبره

يكتب حلول اللغز والحل صايب

هذا اللغم سسته ومفتاح وإبره

من يلمسه تجري عليه المصايب

يامرحبا ما هلت العين عبره

وفاضت محاجرها لفرقا الحبايب

هذا اللغم يدفن ترى فيه عبرة

يظهر ولا يرحم صغير وشايب

ولله در اللي ذي ثمار صبره

خلاك دره ما عليها شوايب

من بعد ذايا راع الأسياح عبره

لغزك لغم فجرت فيه العجايب

اللغز جاني من قصيري واخبره

يامرحبا به عد ذري الهبايب

شكله صغير وفعلها ذاك كبره

الغام تستخدم بيوم النشايب

الشاعر اللي كل بحر يعبره

يبدع من أنواع المثايل غرايب

عسى الغفيلي ما نفد منه صبره

دفن اللغم ما غيره وقت الحرايب

من المصيف اللي بها قصر شبره

مصياف من تقزيه لفح الهبايب

نبي نجاوب صوت من فيه نبره

نبرة شباب ولغزه انتاج شايب

العظم لو يكسر ترى سهل جبره

ومن اللغم يروح كله حطايب

لغز سوات طويق ثقله وكبره

ثقيل ويباري نسيم الهبايب

كل يجرب فيه كسره وجبره

ويرسل مناديبه بليا نجايب

ومن يزرع (الألغام) من دون خبره

لابد يبكنه عيون الحبايب

اللغز يا سليمان باعه وشبره

حنته ولو هنته يجب النشايب

خذ الحذر منه وغمق بثبره

تكتك وثبت لا تثور اللهايب

الورع يا سليمان ياقو صبره

هذا اللغم فعله كثير العطايب

سواه بيطار حكم فيه شبره

ياعنك ما هو بين الأشبار عايب

ياللي كتبت اللغز حله نخبره

ذاك اللغم للموت صار السبايب

كم واحد حاول برجله يعبره

وكم واحد هانه وشاف الغرايب

هات القلم وأرسل مع الفكس حبره

حبر يهز مسودات العجايب

اللغز يوم أشوف بالحرف سبره

ذاك اللغم مشعل فتيل اللهايب

ما فيه صوت ايقال من دون نبره

ولد به شباب قيل ما هوب شايب

والوقت يمضي والحجاريب عبره

والله يكافينا جميع المصايب

والله يعين اللي نفذ فيه صبره

ثارت عواصيف اللغم بالعاجيب

هلّيت من عيني على الخد عبره

من يوم وادعت الرجال الحبايب

اللي لهم في منهج الطيب خبره

عاداتهم بالطيب فك النشايب

كن اللغم بالقلب يرجف بكبره

هاذي مقاصد ردنا والسبايب

عبدالله بن غازي الحنيني

فرق الرجل في طيب ذاته وصبره

مع حكمته والعزم فعل السبايب

وأيضا الذي يأخذ من الوقت عبره

ما ضاع فكره بين مخطي وصايب

رأيه سديد وكل شيء يخبره

لو هو (لغم) هبت عليه الهبايب

الحظ لا يفريك صغره وكبره

الليا تردى ما يجي بالغصايب

تلقى على صفحات الأيام عبره

يااللي تميز بين منحطى وصايب

لو اللغم في موقعها طال صبره

لابد يطلع عقب قطع العصايب

سار القلم يرسم على السطر حبره

بأبيات شعر للغفيلي نجائب

هذا كلام فيه يا شيخ عبره

ما قل ودل وزبدة الهرج صائب

هذا اللغم يصعب على الناس سبره

على طريق الجيش وقت الحرائب

دنياك ما تملك لها اليوم دبره

كم واحد فيها يشوف النشايب

في كل يوم نكتسب زود عبره

أو نستفيد دروس منها عجايب

واللغز ياالعجمي ترانا نخبره

هذا اللغم يزرع بيوم الحرايب

أرسل سلامي للذي فيه خبره

يكتبه ومن يرمع اللغز صايب

واللغم ياأوادم ترى فيه عبره

لا داسه الرجال ما أظن طايب

ميناء الرجاء يعجبك طوله وكبره

مدام بحر الياس كله غرايب

الفرق واضح بين لهجة ونبره

ملجاي منشي مرزمات السحايب

ماللغم ياهل المواجيب دبره

اليادفن تزراه هوج الهبايب