لعل حب اليوم يوخذ ويلوى

غدى مجالٍ للقلوب الهبيلة

لا تعم, خص, وفيه مرٍ وحلوى

ولكل وقت اهله وطبعه وجيله

ياشمسي اللي تدلى بالسما قرطك

عن كل هالورد هذا القلب عبّادك

عوّد لعقلك ولا تكثر بعد خرطك

القلب عبّاد ربه وارجع لمادك

من كثر زايد غلاه وزايد الغيرة

حتى سلامُ علكيم صرت أحللها

هذا هو الشك لا هذي هي الحيرة

لو أنت واثق به أقواله تقبّلها

قصّر ظلاله عليه وقال لي وفه

ومديت ظلي تحت شمسه وأنا الضامي

داميه قصير أنصحك لا تاقف بصفه

طولك يكفيك عن وقفات الاقزامي

وتعجبكم بنات الناس وأنا تعجبني فلانة

شبيهتها مرايتها وأكيد أحلى بعد بشوي

مدام البنت أحلى من مرايتها الخبر عانه

أكيد إن المرايه غبّرت وإلا عليها شي

ماجيت غير إلا على شان ذبحك

يانعنبوك الزين له تنحنى أرقاب

حشو الكلام بمثل هالبيت يضحك

وشلون غير إلا افهموها يا الأصحاب