حبل الهوى مع صاحبك حيل شده

احذر تمادى بالغلا والدلالي

هذا الغلا دربه عنا من يصده

لاشك خطواته شقيه ثقالي

بعض الغلا لي زاد صعب ترده

بالذات الى صرت لحبيبك خيالي

مسكين من يجهل بجزره ومده

يتيه في بحره على كل حالي

لابد تلقى لك مع الشي ضده

حتى تعيش بجنة الحب سالي

للحب في شرع المحبين حده

شوق وغرام سطرته الليالي

من يفهم دروب الهوى من يمده

يهنا باحساس الموده زلالي

لا واهني اللي وصل من يوده

يبقى عشير بالمواصل مثالي