تماري بالقروم ولا عليك الا مطر وغيوم

ترى هذي حلاة الطير لازانت له الهدّه

تغنّي كلّما جولك رجال منَّهم وقروم

ترى هذا فهد اقبل عليك ورافع يدّه

هلابه كل ماذعذع هوى الغربي وطاب النوم

وهلابه كل مابان الشفق والعود جاندّه

وهلابه كل مايبرق سماها والرعود تقوم

وهلابه كثر زخات المطر والخير لامدّه

نعم عبد العزيز الجد ذاك الفارس الزيزوم

سرى من نجد بانت له نجود الأرض ممتدّه

طواها ثم بناها وازهرت له والحلوم علوم

أبد واللّه ماننساه لوهي طالت المدّه

تشوفون ازهر الزيتون وازدان العنب بكروم

بعد والملح لويبرق فرح وده وماودّه

اخبرك يالقرايا من زمن ترضين بالمقسوم

واشوف اليوم بعيون القرايا النبع به شده

عرفت أنه وصل هالفارس اللي يذكرونه دوم

عذرت النبع وارض النبع لوطاله كرم يدّه

تباشر يالنخل واثمر وقل للي يقوم يقوم

تباشر فبل اخبرك ! ماخفاك النون والشّده

ترى هذا فهد واسم الفهد دايم يزيل هموم

تساقط يالرطب ماجاه عاني يوم وردّه

عليه اهلاً هلا تحلى به الديرة وتزهى نجوم

وتفرح به قريات الوفا من حده لحّده

بعد نشره عليه أكثر نود أنه يجينا دوم

إذا حي نحبه نشره أنه واصل ودّه

تغنيّ به فرح والا ازهري له ماعليك اللوم

مادام انه فهد وابن بدر والعود هو جدّه

اخبرك لانخيتك ديرتي فزّاعة المضيوم

عليك الله وامان الله لك اللي فات نستدّه

انشهد حد علمي فيك ياست القرايا اليوم

ولكن بس يوم اقبل "فهد" صرتي مثل جدّه