أبا أنشد من عطاه الله ذكا ومحب للالغاز

عن اللي تولد من أبوه وتبعد ما تجي يمه

ما دامه حي أبوها تفيد الناس ما يعتاز

والى منه فنى تفنى يا عارف لغزنا سمه

أقول ان التميمي صاغ لغز يا عرب ممتاز

وأنا حظي بري ما ذم لغز الرجل ما أذمه

على المال وزكاته ركب المعنى ولا يعتاز

ولا يا حبني للي يزكي المال لا لمه

أنا باقول يا صالح على وضح النقا ممتاز

ترا الأعمال بالنيات والزكاه بالذمة

زكاة المال ندفعها على الضعيف والمعتاز

شرعها المصطفى المختار نبي الدين والأمة

لكم مجهود وافي يحرج الهماز واللماز

وصلتوا يا النشاما واستقريتوا على القمه

مع التنويع والتطوير والابداع والانجاز

وفيتوا بالامانه كامله وابريتوا الذمه

زكاه الجاه مثل المال ياهل المعرفه بايجاز

تسب الناس من يبخل عليها الجاه وتذمه

سلامي يا الحميدي والتميمي والنفوس اعزاز

وأهل صفحة تراث الشعر والألغاز والهمة

قريت اللغز براق المعاني منوة المعتاز

زكاة المال قررها الاسلام لبائس الأمة

يصير اخفاق للي دايم تقديرهم ممتاز

حسب طرح السؤال اللي يجي بالفتح والضمه

زكاة المال واجب دفعها للمسلم المعتاز

تحددها الشريعه من دفعها يبري الذمه

ابا جاوبك يا ولد الزرير محكم الالغاز

اجابه ما للغزك يا التميمي غيرها يمه

تراها ثالث اركان العقيده كان حلي جاز

قراها كل مسلم في رساله سيد الامه

هلا بك يا التميمي عد ما شعر المواهب فاز

مع اللي شاب من فتل المعاني وانحمس دمه

ترا لغز الجزيرة يوم قزه مجهر القزاز

زكاة المال حق للفقير اللي شكا همه

ألا يا اهل الجزيرة صالح بن زرير لغزه فاز

أخذ به مركز يا أهل الجزيرة باول القمه

عرفنا الحل يا صالح وحله نكتبه بايجاز

زكاة المال فرض وما جحدها راعي الذمه

هلا حي الله اللي يكتبون الهادفه بايجاز

يجيبون الثمين ويفهمون الدرب واليمه

عسى يفداكم اللي بالحداثه همه استفزاز

على موج الخيال يضيع التفكير ويخمه

طموحه صورته وقت الشباب بداخل البرواز

وأنا عارف زكاه المال بالتنوين والضمه

على دار الرجال اللي علينا يا النشاما اعزاز

تباشير الغلا ساقت ضعنها تنطح اليمة

من الزلفي سرت غير التميمي ما لها معناز

ولها طاب الحديث بحضرته والناس ملتمة

زكاة المال يا صالح عليها كل شي جاز

بدالي ذكرها قدام بيت اللغز لا اتمه