يوم شفت الوالد البر الشهم
يمسح الدمعة من عيون الكليم
التأم جرح تغشاه الألم
غاير متمكن نازف أليم
كلنا راضين باللي الله قسم
والعزى في جيتك يا ابن الزعيم
قدرة الله فوق أنف وفوق فم
ماحد يمنع قضى رب عليم
ياكثر ما جيت يا الطود الأشم
تمسح بكفك على راس اليتيم
جيت بحرة وانجلى هم وغم
وانجبر قلب من البلوى حطيم
كلهم حيوك يا راعي الشيم
هالرجال وهالعيال وهالحريم
جيتهم كنك لهم أقرب رحم
ورحت منهم كن ما فيهم كليم
للمعالي ساقتك أعلى همم
يا كريم ياعطوف يا رحيم
انت للظالم خصيمه والحكم
وانت للمظلوم ريفه والنديم
ماحد قد ضيم عندك وانظلم
ما يجيك الغارم ويصبح غريم
يا أمير الجود في دار الكرم
يا عميد الخير من وقت قديم
لك يمين ما تعرضها العدم
خيرها ماهو باذن الله عديم
يا نصير الحق يا حامي الذمم
جعل دار جيتها الخير العميم
ساهر والنوم هابك وانهزم
ما يغالب عينك الليل البهيم
لا اختلف راي النشاما واصطدم
جيتهم بالراي يا الذرب الحكيم
ياقوي الباس في وقت الحسم
يا ملاذ الخايف الوجل الهزيم
اشهدي يا دار واكتب ياقلم
وسجل رجال المواقف في الصميم
لك علينا يا الوفي عهد ولزم
الولا والصدق والحب المقيم
يا حماة الدين في أرض الحرم
جعل يحفظكم لنا الرب الكريم
