مانيب مرتاح مثل ما تظنين

الحزن توه,, قام يبني خيامه

رحتي,, وزدتي جرح الأيام جرحين

لين اكتست شمس المحبة غمامه

وشلون يصبح حلم عمري ولاشين

ليه الطموح تحولينه ندامه؟

حبك غرسته ,, واعتبرته علي دين

مار الغلا,, يمحاه جرح الكرامه

وان كان لك غيري من الناس غالين

أقول روحي,, رافقتك السلامه

يحق لك تستبعديني وتنسين

وأنا اعتبر ما فات طيش وغشامه

حلم السنين,, ومات وانتي تعرفين

أسباب موته قبل يبلغ فطامه