الرجل طابت يوم جيت الباحه
والروح كل همومها منزاحه
يا حلوها يا حلو شي فيها
الله حباها بالجمال رجاحه
جبالها بأشجارها مكسيه
وأعشابها وورودها الفواحه
سحابها يلثم نحرها عبره
وأمطارها وطيورها صداحه
يكفيك من الباحة ان الباحه
النفس بين أحضانها مرتاحه
ما لوم من يصطاف فيها دايم
يلقى الهنا والتسليه والراحه
سخر لها الله الجمال الشافي
وأعزها برجالها اللماحه
ناس لهم بالطيب وسم بارز
أهل المقام وللوفا رباحه
عزوه عظيمه للوطن مذخوره
في ظل فهد المجد نجم الساحه
الله يحفظه بالسعد ويعزه
اللي جعل كل المداين واحه
يا ناوي المصياف اسمع شوري
أحلى ليال العمر وسط الباحه
