يعيش باني مجدنا فوق الأفلاك
زومان شيال الثقايل جملنّا
يوم المشاكل تلتمس مثل الأسلاك
وتحولت بركان حرب يرنا
حرب ضروس لحمر الدم سفاك
لولا الفهد سحم الضواري كلنا
تدارك الموضوع في وعي ودراك
لين اليدين الطايلات اقصرنا
وصارت عوافي وثمرت شجرة الراك
وطير الحمام بعذب الاصوات غنا
ولو إن بعض أخونا الربع ذولاك
نسو مواقفنا على مافعلنا
نسيو مواقف فهدنا يومهم ذاك
وأقلامهم في مدح بوش اسهبنا
لولا الفهد ماجالهم بوش هناك
لكن كثر أقوالهم ماشحنا
إن كان ذا قول الجماعة هذولاك
حنا لقايدنا الفهد ويش قلنا
حنا نقول اسلم لنا لاعد مناك
يامن بعطفه ضمنا واحتضنا
لا والله الي ما غلط يوم سماك
عبدالعزيز وجيت على ماتمنا
أنت الفهد واسمك يلايم مسماك
اسم نفاخر به وبالله أمنا
أما أسمك الثاني جعلته لمولاك
خادم بيوت الله وقدوة ضعنّا
وهذا دليل عن تواضعك ورضاك
أما اسمك الثالث نسميك حنا
طابع قرار النصر في كف يمناك
وقايد مسيرتنا ونهضة وطنا
راعيت حافرنا عسى الله يرعاك
وحييت ماضينا وعادات أهلنا
ولولا عناية ربنا ثم لولاك
اليوم مدري يافهد وين حنا
انقذتنا ياشيخ من حوض الادراك
ونقذت من ضاقت عليه أوزبنا
ياجعل من يجحد مواقفك يفداك
من ينكر المعروف ماهو بمنا
