يا مناي وغايتي وحلم السنين
لا تزيديني شقا يكفي شقاي
وارحلي بالله عني واتركين
ابعدي يكفيك ما شفتي معاي
والله اني ما رضيتك تذرفين
دمعك الغالي ولو همك رضاي
والله اني ما رجيتك ترحلين
الا من حبي,, ومن واجب وفاي
ولو بغيتي يا حياتي,, تسألين
وش بلاك اقول مدري وش بلاي؟
بس احس الجرح غاير بالكنين
بس احس الهم,, خيم في مداي
بس احس ان الامل عني سجين
بس احس الياس يخلص في عطاي
باختصار اكثر انا الوقت الحزين
واسمحي لي ان قلت بنضالك عناي
يا بعد عمري طموحي تسعدين
والسعادة ما تجي لك من وراي
صدقي والا بعد لا تصدقين
المهم يموت,, في قلبك رجاي
وان ضعفت وقلت امانة ترجعين
ارفضي ولو جيتي لك خالص عزاي
واسألك بالله,, يا ملح السنين
ارحلي,, يكفيك ما جا من شقاي
