قالوا تسافر وقلت السفر لأبها
هو مصيف بلادي اللي يسليني
رغبتي سودة عسير وجوانبها
كنها بطول المسافة اتناديني
وخالد الفيصل بها لإسم مطربها
دايمن يسعى لها بكل تمكيني
لين صارت جنه الكل يرغبها
وبالجمال إلها مجال وعناويني
وان بغيت الطائف الله ما أنسبها
للمصيف وكل شين بها زيني
بالمياه العذبه الرب واهبها
والمزارع طلعها الخوخ والتيني
وناس ترغب غيرها فحطي أغلبها
خاسرة بالخارج المال والديني
لو جمال الخارج البعض تعجبها
السعودية لها الشعب هاويني
أصلي سعودي ودارن ربيت إبها
حبها بالقلب ما عاشت إسنيني
ديرتي ما أطيب هواها وشربها
دولة الأمن وأهلها سلاطيني
الصقور اللي بعالي مراقبها
هم هل التوحيد بالعدل ماشيني
الرجال اللي عريبه مناسبها
حكمهم بالشرع ما هو قوانيني
سادها صقر الجزيرة وهذبها
لين صارت كلبوها بساتيني
بالشمال وفي جنوبه ومغربها
وشرقها خيرن بكل المياديني
وعاش ابوفيصل وعينه اتراقبها
ومن يجون إحدودها في الهم شيني
ومعه ابومتعب الياسار مركبها
هو عضيد الفهد يانعم الأخويني
وابوخالد زمرة الشر حاربها
للدفاع ايقودنا ومستعديني
هم ذرا الدار العزيزة ومكسبها
عن حسود وعن حقودن وباغيني
وكل الأسرة ما تعدد مناقبها
شجرة الخير وبها مستظليني
والختام أزكى التحيات وأطيبها
للجميع اللي للأمثال قاريني
