كتبت الشعر في وصلك كتبت الشعر فالهجران
وباقي أكتبك صفحة عجزت افهم معانيها
عرفتك ماضي أول تخيلت الأمل عنوان
أمل يتبع محبتنا تعثر في خطاويها
تعلى مجدنا الفايت طفولة تكره النسيان
تعكر جوها الصافي وذبلت وردة فيها
تخيرتي دروب البعد نسيتي بالورى انسان
تدابير الزمن تلعب على جفنه طواريها
ثمان اسنين ياعمري على كف الزمن ضميان
اقلب صفحة الماضي عن الحاضر اخفيها
اسلي خاطري بصوتك بغلطة تجبر الولهان
يقول اني على حد النظر يابنت أمنيها
تمر أيام بعد أيام رضيتك يا أمل نسيان
وصار اللي هقيته لي عجايب في تواليها
جت تشكي من الماضي دموع تغرق الاوجان
تبي وصل من الحاضر عن الماضي يسليها
هلا بك يا حبيب الروح هلا بك يا غلا انسان
بشاير للندم بانت على وجهك مواريها
تصدق ما هقيت انك تعود وتطفي النيران
ولكن قلبك الصادق على روحي يحليها
أبي وعد بجي منك تكفّر غلطة الندمان
ويرجع صاحبي الأول دموع الأمس يمحيها
بداية حبنا فرقا نهاية حبنا احسان
حكاية قمت انا اكتبها صدوقه في معانيها
