ياهل النضا من يخاويني لسمناني (1)
أما على الجيش والا قوه رجليه
اسرح واروح وأقيل فوق غدراني
ولد العجم ما يجيبه لي بقوطيه
من دون أهلنا يقيف الذيب سرحاني
ياما من البعد والدو الخلاويه
بنحر غروس يسلن كل ولهاني
ماهن قراح شرابه منوة ليه
ما هوب يحجب ولا يجلب بالاثماني
مسبله والدى زبن الجلاويه
عنده اخواني لهم بالفعل ميداني
كسابه الطايلة نطاحة الهيه
أهل الصخا والوفا خطلان الايماني
من نسل (وايل) ما هوب الطيب عاريه
في مجلس منوة اللي جاه عمساني
يلقا دلال على النيران مركيه
والهيل يشرى ولو يغلى بالاثماني
يشرون لو غليت الاسعار بريه
زبن لمن جالهم خايف وجيعاني
من لاذ فيهم تعدت راسه السية
ويلقا بعد سفرة من قرح الضاني
للضيف والجار واللي مر طرقيه
