ليش التوجد والتشكي وياليت

وليش السؤال وعندك انت الإجابة

مر الزمان يبيِّنه عذب حبيت

لو زاد مره قلت يامر حبابه

الحب سوق وعندي إنك تقضيت

لكن طماعة زود ماهي طلابه

تبا دوام الحال مير إنك ازريت

وتبا العسل من غير قرصة ذبابه

هذا اعترافك انت والسد ابديت

وهذا كلامك وين فيه الغرابة

ليش الحسافة وليش كلمة آلاليت

لابد يعقل يوم فاقد صوابه

هذه نصيحة وارجو إنك توحيت

ياخايف من الشيب تبكي شبابه