يمّه زعل ما مات بقلوبنا حيّ
طول الزمن شامخ وعالي جنابه
أمر الله اللي صار ما بيدنا شي
حكم القدر نرضاه ونرضى مصابه
لكن عليه القلب لو ينكوي كي
والعين لو تبكيه وتبكي غيابه
الحزن أعظم حيل مما جرى لي
حاولت أخفّي لوعته واكتئابه
ياحسرتي يمه وياحظي السي
من عقب أبوي اليوم وقتي تشابه
يطويني الهوجاس في دنيتي طي
وتبقى لي الذكرى دموع وكتابه
مرحوم يا اللي سابق الليل بالضي
الضيف جاله والضعيف التجى به
ولامن سطتنا شمس نلقى به الفي
في مجلسه للقوم عز ومهابه
يا الله عسى قبره ينشي عليه المي
ويسقيه في كل المواسم سحابه
يمه زعل ما مات بقلوبنا حي
في نبضنا عزه وطيبٍ مشى به
