يقطعه هاللي علمك حب وأشواق
وخلاك في دنيا المواجع تحبين
انتي حسبتي الحب قرطاس وأوراق
ورسايل تشكي الجفا ورعشة يدين
ياجاحدة روحي على مركب فراق
لاردك الله يافدا دمعة العين
مادام مافي داخلك نبض خفاق
خلي الهوى للي كوى قلبه البين
منتي كفو اذكرك واحن واشتاق
وما بيننا في الحب ملة ولا دين
انا اعتبرتك دمعةٍ وسط الاحداق
طاحت ولا احدٍ قال اهي جات من وين
وانا عرفتك واستوت كل الاذواق
وما عاد عندي فرق مابين بنتين
ماعاد لك عندي ولاذرة اشواق
ذكرى وطتها عزتي تحت رجلين
يانفس وش حدّك على هم وارهاق
مدري متى يانفس فيني تحسين
لو انتظر موتي على رجلٍ وساق
ما انتظر ينصفني الوقت وتجين
من فعلتك نشفت بي عروق وارماق
لكن وربي لعتبر مامضى دين
وياهيه وحدة واحرقت جوفك احراق
وش كان حالك لو هن اليوم ثنتين
ذكراك يامغرور ماعاد تنطاق
ذكرى دفنها طبعك الغادر الشين
والله وحق اللي خلق هجر وفراق
لقطع وريدٍ حبك بحد سكين
لايخدعك يالآدمي ضوح برّاق
إنسان والإنسان مخلوق من طين
