البارحة يا شين ليلٍ جرى لي
عيني تهل دموعها من مصيبه
نعم مصيبة موت بعض الرجالي
والا بعضهم مات محدٍ دري به
قالوا رجا الله مات يا ضيق بالي
أبو علي بين اللحد والنصيبه
الموت حق وكلنا للزوالي
كلٍ على اجله الليال اتعدي به
الله هو الباقي عزيز الجلالي
ماعندنا بالموت شكٍ وريبه
وموتة بعضنا مثل هد الجبالي
والبعض موته مثل طيحة زريبه
وأبو علي موته علينا وبالي
الفارس اللي كلنا نعتزي به
نجمٍ طلع ما مهلته الليالي
عن حرب غاب ومستمر مغيبه
فقيد حرب ولا فقدته لحالي
لأنه من الفريس لحرب الحريبه
يا الله يا منشي صدوق الخيالي
تغفر ذنوبه يا وليه حسيبه
