فمان الله ياكل الجروح ولوعة الأيام
فمان الله يادمع الزمان اللي جرح خدي
وداعٍ كنت أشيله في حنايا القلب قبل العام
من اول لحظةٍ صحيتني من حلمي الوردي
ذبحت لعينك النجلا سواد الليل والاحلام
ابي شمس الصباح اللي تطول الغيم من عندي
نثرت الورد في عين المنايا والبخت منظام
واثر قلب الخطايا كل يوم يسامحه ودّي
أجيب النوم لعيون الزمان اللي سهر مانام
على صدر الليال ارسم طفل في يده العقدي
عبس وجه الزمان اللي نصاني شايل الاوهام
اهلي به وارحب به ولاني عارف قصدي
وجا وقت الموادع,, والخطايا والجروح اكوام
يضيقها صباح العيد ما يلقى لها حدّي
فمان الله ياشقوة زمانٍ مفطرٍ ماصام
فمان الله ياعوج الليال اللي خذت جدّي
فمان الله ياغدر السنين,, ونظرتي قدام
يطول العمر,, يقصر عمر,, ماني مخلفٍ وعدي
