الا ياليل يكفيني سهر ودموع مع ونات

أنا مليت من دنيا كثير الوجد به ياسي

فراق وبعد ما طيقه ولا أقوى على العبرات

أبي أرحل واعيش اليوم بفرحه تشرح إحساسي

انا مثلي وكم مثلي غريب منجرح بسكات

شكى همه على وقته وقته للاسف قاسي

عيوني بالدجى تبكي على وقتي وانا ما بات

الا ياليل يكفيني طواني هاجس اتعاسي

ابي اسلى ابي ارتاح ابي افرح ولو لحظات

ابرسم فرحه ايامي انسى ضيم هوجاسي

زماني جدد جروحي وخلاني عليل الذات

اترجم مامضى واشكي من اللوعة بقرطاسي

متى يسمح زمان الهم يشيل الويل والآهات

متى يحرق بقايا الامس متى افرح مثل ناسي