يوم لدت علي بعينها واخزرتني

كل ضلع (بقلب الود) طاح إمتثني

أعتقد كان الأريا البيض ما خالفتني

إن الاضلاع برّى القلب لوصح ظني!!

قال أنت سبة بلاي وقلت له داري

قال الصراحة سوات العذر مملوحه

دام أنت داري ورى ما تحاول تداري

تدري برجعتك قبل تقرر الروحه

إقر سيرة قتيلين الهوى تلقى بها دستور

بعدها شوف وش حجم المحبة بينك وبيني

ووش عاد العلاقة بين (ليلى وقيس) والمذكور

إذا ما يعتبر ياكود فيهم ربك يعيني

لو يقول إني أنا اللي كنت بادي بالخطية

قل هي اللي تعدت حدها لحظة غضبها

ولو يقولون الوزن قدره وقوة شاعرية

قل لهم بالبيت هذا صادف أوزاني عطبها

آه من ضيقٍ ليا نامت عيون الناس جاني

وانتصب بين الضلوع وقام يعزف سامريه

أنت ياللي ضيقتك لا ضقت تعزف لك أغاني

غيرك اليا ضاق يشعر نار وسط الجوف حيه

لي صاحبٍ منّه تبي تطلع الروح

خبلٍ ومن هي مولعه فيه خبله

لاصار خبل وخبله وقلب مجروح

الله يعين الحب واللي تعب له